La vallée d'Ossau :              
                 Culture et Mémoire



U  SÈ DE PERIGLADE

Toute la me jouenesse
N'ey pas heyt que l'aulhè
Qu'aymabi mas aulhètes
La sanche e lou caudè.

U sé de périglade
La noeyt boulè bacha
Siou teyt de la cabane
Qu'entenouy truca.

Ue jouene encounégude
Que'm coumensa parla
Moussu que'm soy pergude
Em pouderets lougea.

Hèt en daban maynade
Lou plasé qu'ey ta jou
E qu'es toute mulhade
Say dounc a la colou.

Qu'amassabi flouretes
La brume ma trompa
Shens boste esqueretes
Nou'm p'abéri troubat.

Qu'ère bèroge filhe
Qu'abè lou hoec aus oelhs
Nou'm lécha la couquine
Droumi brigue la noeyt

La paraule facile
Lou geste acoumpagnat
Que réussit pla biste
A'm ha perdé lou cap.

Que benouy mas aulhetes
A la hère de Biost
E que partim en bile
Tous dus dap lou magot.

Aqui que'm ey ue bite
Qui n'ère pas ta jou
En tribalhan lou die
Nou me'n ganhabi prou.

Qu'aymabe lou thiatre
Lou bal, lou cinema
Qu'eri crebat dau brèspe
La léchabi ana.

Lous sos de mas aulhètes
Qu'estoun biste plaçats
N'abi plus que la hèrre
Aco m'abi guardat.

La noeyt que sounejabi
Que'm lhèbabi tout dret
Mas aulhes qu'apérabi
Souben a grans siulets

Pastous de la mountanhe
Sabiet me desliura
Presta me la mounéde
Jou bouy tourna mounta.