Arrepic :

Baque e caa
Gat e pus
Mairam e pastors
Deu loup que's trufaban touts.

Muuuuu, Muuuuuu,
C'esmarrogabe la baque,
Loup ! Que't traucarèy la pèth
Dab lous mens còrs.

Òu ! Òu ! Òu !
Ce lairabe lou caa,
Loup ! Dab lous mens cashaus
Que't nhacarèy.

Ft ! Ft ! Ft !
C'escoupibe lou gat,
Loup ! Dab las meas urpes
Que t'esquiçarèy lou mus.

Pic ! Pich ! shshshic !
Ce's pensabe la pus
Loup ! Dab la mea sheringle,
Que't shucarèy lou sang.

Bè ! bè ! bè !
Ce belabe l'aulhe
Loup ! Que m'estujarèy en la bòrde
E ne'm troubaràs pas.

Ça-y t'aci ! ça-y t'aci !
Ce miaçabe lou pastou,
Dab lou men barrôt de mesplè,
Que t'estarrocarèy.

Mes, a noeyt, shens brut, lou loup qu'ey entrat dens la bòrde.
Que s'a minjat lou pastou, lou caa, l'aulhe, la baque, lou gat... et tout medish, la pus.

Arrepic tà acaba :

Baque e caa
Gat e pus
Mairam e pastous
Lou loup que'us se mingè touts.